लिभरपुल दोस्रो स्थानमा

१० वैशाख, काठमाडौं । फुलहमलाई ३-१ ले पराजित गर्दै लिभरपुल प्रिमियर लिगको दोस्रो स्थानमा उक्लेको छ ।

आइतबार राति फुलहमको मैदानमा भएको खेलमा सहज जितपछि लिभरपुलले शीर्ष स्थानको आर्सनलसँग अंक बराबरी गरेको छ । तर गोल अन्तरमा पछि रहँदै दोस्रो स्थानमा छ ।

ट्रेन्ट अलेक्जान्डर आर्नोल्डले ३२औं मिनेटमा गोल गर्दै लिभरपुललाई पहिले अग्रता दिलाएका थिए । तर टिमोथी कास्टाग्नेले पहिलो हाफको इन्जुरी टाइममा फुलहमका लागि बराबरी गोल फर्काए ।

राएन ग्राभेनबर्चले ५३औं र डिएगो जोटाले ७२औं मिनेटमा गोल गरेपछि लिभरपुल ३-१ ले विजयी भएको हो ।

जितपछि लिभपुलले ३३ खेलबाट शीर्ष स्थानको आर्सनल समान ७४ अंक जोडेको छ भने तेस्रो स्थानको सिटीलाई १ अंकले पछि पारेको छ । एक खेल कम खेलेको सिटीको ७३ अंक छ ।

– यस समाचारको श्रोत : Online Khabar हो ।