नेपाल आइपुगे विराटनगरका प्रशिक्षक केभिन ओ’ब्रायन

१० मंसिर, काठमाडौं । नेपाल प्रिमियर लिग (एनपीएल) को फ्रेन्चाइज टिम विराटनगर किंग्सका मुख्य प्रशिक्षक केभिन ओ’ब्रायन नेपाल आइपुगेका छन् ।

उनलाई विराटनगर किंग्सका सहमालिक वेंकटेस मुन्द्राले सोमबार काठमाडौंमा स्वागत गरेका छन् । ओ’ब्रायन सोमबारै टिमसँग सामेल हुन विराटनगर पुगिसकेका छन् ।

आयरल्याण्डका केभिन ओ’ब्रायनले यसअघि नेपालमा एभरेस्ट प्रिमियर लिग (इपीएल) खेलेका थिए । उनी पहिलो पटक फ्रेन्चाइज टिमको प्रशिक्षक बनेर नेपाल आएका हुन् ।

उनले प्रशिक्षण गर्ने विराटनगरको टिममा सन्दीप लामिछाने मार्की खेलाडी छन् ।

– यस समाचारको श्रोत : Online Khabar हो ।