विद्यार्थीले लगाएको ताला अस्कल प्रशासनले खोल्यो

३० वैशाख, काठमाडौं ।  मदन भण्डारी स्पोर्ट्स एकेडेमीले लगाएको ताला अस्कल क्याम्पसको प्रशासनले खोलेको छ ।

एकेडेमीले २५ गते क्याम्पस प्रमुख लोकबहादुर बराललाई आर्थिक अनियमितताको आरोप लगाउँदै क्याम्पस प्रशासनमा लगाएको ताला आइतबार क्याम्पस प्रशासनले खोलेको हो ।

सहायक क्याम्पस प्रमुख होम बानियाँका अनुसार असन्तष्ट विद्यार्थीलाई सोमबार वार्ताको लागि समेत बोलाइएको छ । उनले भने, ‘आज हामीले ताला फुटाएर काम सुचारु गरेका छौं। भोलि तालाबन्दी गर्ने विद्यार्थीहरुलाई वार्ताको लागि बोलाएका छौं।’

मदन भण्डारी स्पोटर्स एकेडेमीका उपाध्यक्ष प्रकाश बयकले विज्ञप्ति टाँस्दै क्याम्पस प्रमुखले ताला लगाउन बाध्य बनाएको बताए । ‘क्याम्पस प्रमुखले आर्थिक अनियमितता गरेको, गुण्डाहरु प्रयोग गर्दै होस्टलको झ्याल फुटाएको, विद्यार्थीहरुमाथि झुठा मुद्दा लगाएकाले ताला लगाउन बाध्य भएको ।’ उनले विज्ञप्तिमा भनेका थिए ।

यसअघि २५ चैतमा अनेरास्ववियुले लगाएको ताला १६ वैशाखमा खोलिएको थियो ।

– यस समाचारको श्रोत : Online Khabar हो ।