ढोरपाटन महिला भलिबलमा पुलिस, एपीएफ र न्यू डायमण्डको लगातार दोस्रो जित
१३ माघ, काठमाडौं । १६ औं संस्करणको ढोरपाटन महिला भलिबल डबल लिग च्याम्पियनसिपमा नेपाल पुलिस क्लब, नेपाल एपीएफ क्लब र न्यू डायमण्डले लगातार दोस्रो जित हात पारेका छन् ।
शनिबार गोंगबु बसपार्क नजिक रहेको कोर्टमा भएको खेलमा नेपाल पुलिस क्लबले एन्जल्स हार्टलाई ३-० ले सोझो सेटमा हरायो ।
पुलिसले २५-६, २५-१४ र २५-६ को सहज जित हात पारेको थियो । पुलिसले पहिलो खेलमा शुक्रबार भलिबल ट्रेनिङ सेन्टरलाई २५–१०, २५–१२ र २५–४ ले हराएको थियो ।
शनिबारको दोस्रो खेलमा चन्द्रागिरी नगरपालिका न्यु डायमण्ड महिला भलिबल टिमले बागमती प्रदेशलाई ३-० को सोझो सेटमा हरायो । न्यू डायमण्डले २५-८, २५-३ र २५- ५ को सहज जित हात पार्यो । पहिलो खेलमा भने त्रिभुवन आर्मी क्लबलाई ३-२ को सेटमा हराएको थियो । निकै रोमान्चक खेलमा न्यू डायमण्डले १८–२५, २५–२३,२८–२६, १५–१८ र १५–११ ले आर्मीलाई हराएको थियो ।
नेपाल एपीएफ क्लबले त्रिभुवन आर्मी क्लबलाई ३-१ को सेटमा हरायो । एपीएफले २५-२१, २२-२५,२५-२२ र २५-२२ को जित हात पारेको थियो । एपीएफले पहिलो खेलमा बागमती प्रदेशलाई २५–४, २५–५ र २५– २ ले हराएको थियो ।
लिगमा नेपाल एपीएफ क्लब, नेपाल पुलिस क्लब, त्रिभुवन आर्मी क्लब, चन्द्रागिरी नगरपालिका यू डायमण्ड टिम, जावलाखेल भलिबल ट्रेनिङ क्लब, बागमती प्रदेश, धादिङ स्पोर्टस क्लब र एन्जल्स हार्ट छन् । शीर्ष ६ टोली अर्को राउण्डमा जानेछन् । दोस्रो राउन्डको शीर्ष टोलीले उपाधि पनि जित्नेछ ।
प्रतियोगिताको विजेता टोलीले ५ लाख १ हजार प्राप्त गर्नेछ । दोस्रो टोलीले २ लाख ५० हजार र तेस्रो टोलीले १ लाख २५ हजार पाउनेछन् । चौथो टोलीले ७५ हजार, पाँचौं टोलीले ५० हजार र छैटौं टोलीले २५ हजार पाउनेछन् ।
– यस समाचारको श्रोत : Online Khabar हो ।