विवाहको १२ वर्षपछि आमा बन्दै राधिका आप्टे, ‘बेबी बम्प’सहित देखिइन्
काठमाडौं । बलिउड अभिनेत्री राधिका आप्टे आमा बन्ने भएकी छिन् । हालै उनले इन्स्टाग्राममा आफ्ना केही तस्वीर सेयर गरेकी छिन्, जसमा उनी बेबी बम्पसँग देखिएकी छिन् । राधिकाका यी तस्वीर देखेर फ्यानले उनलाई बधाई दिइरहेका छन् ।
आप्टेले सन् २०१२ मा बेलायती भायोलिन वादक एवं गायक बेनेडिक्ट टेलरसँग विवाह गरेकी थिइन् ।
आप्टे अक्टोबर १६ मा बीएफआई लण्डन फिल्म फेस्टिभलमा फिल्म ‘सिस्टर मिडनाइट’को स्क्रिनिङमा सहभागी हुन पुगेकी थिइन् । जहाँ उनले आफ्नो इन्स्टाग्राममा केही तस्वीर सेयर गरेकी छिन् । यी तस्वीरमा राधिकाले पहिलो पटक कालो बडीकन ड्रेसमा आफ्नो बेबी बम्प प्रदर्शन गरेको देखिएको छ ।
राधिकाको तस्वीरमा फ्यानले उत्साहजनक कमेन्ट गरिरहेका छन् । एकजना फ्यान लेख्छन्- राधिका गर्भवती छिन्, बधाई छ । अर्को एकजना लेख्छन्,- गर्भावस्था र प्रिमियरको लागि बधाई । तेस्रो व्यक्ति लेख्छन्- बधाई छ राधिका, तिमी धेरै सुन्दर देखिदै छौ ।
आप्टेले सन् २०१२ मा बेलायती भायोलिन वादक तथा गायक बेनेडिक्ट टेलरसँग विवाह गरेकी थिइन् । दुबैको भेट सन् २०११ मा भएको थियो । करिब एक वर्ष लिभिङ रिलेसनसिपमा रहेपछि दुवैले २०१२ मा विवाह गरेका थिए ।
राधिकाको करियरको कुरा गर्दा उनले ‘शोर इन द सिटी’, ‘वेत्री सेल्वन’, ‘बदलापुर’, ‘माझी द माउन्टेन म्यान’, ‘फोबिया’, ‘प्याड म्यान’ र ‘अन्धाधुन’ जस्ता फिल्ममा काम गरिसकेकी छिन् ।
– यस समाचारको श्रोत : Online Khabar हो ।