जलविद्युत् लगानीकर्तालाई नै ‘ओली–देउवा’ले सुम्पिए ऊर्जा मन्त्रालय
काठमाडौं। नवनियुक्त प्रधानमन्त्री केपी शर्मा ओलीले विवादित पृष्ठभूमिका दिपक खड्कालाई ऊर्जा, जलस्रोत तथा सिन्चाईमन्त्रीको जिम्मेवारी सुम्पिएका छन्।
लैनचौरस्थित नेपाल स्काउटको जग्गा भाडामा लिएर सम्झौताबमोजिमको रकम नतिरेको र सम्झौतापछि पनि उक्त जग्गा कब्जामा लिएको आरोप लागेका खड्कालाई नेपाली कांग्रेसको सिफारिस मन्त्री बनाइएको हो।
त्यस्तै, डलर अर्बपति तथा विवादास्पद व्यापारी विनोद चौधरीको समेत लगानी रहेको ७।२ मेगावाटको माथिल्लो पिलुवा जलविद्युतमा खड्का मुख्य लगानीकर्ता छन्।
त्यस्तै, १२० मेगावाटको रसुवा भोटेकोशीमा पनि उनी लगानीकर्ता हुन्। ९० प्रतिशत चिनियाँलाई बिक्री गरे पनि उनको १० प्रतिशत लगानी छ।
मुलुकको जलविद्युत र ऊर्जामा भारतीय स्वार्थ अनुकूल काम भइरहेको आरोप लागेको बेला चौधरीको दौडधुपपछि खड्कालाई उक्त मन्त्रालयको जिम्मा दिनुलाई अर्थपूर्ण मानिएको छ।
– यस समाचारको श्रोत : देश – PrawasKhabar हो ।