Main
वुमन्स लिग : गिफ्टीको गोलमा बागमतीलाई राहत
६ असोज, काठमाडौं । एन्फा वुमन्स लिग २०२४ अन्तर्गत सातौं चरणको खेलमा बागमती युथ क्लबले कर्णाली प्रदेशविरुद्ध १–० को जित हात पारेको छ ।
एन्फा कम्प्लेक्स सातदोबाटोमा भएको खेलमा इन्जुरी समयमा बागमती युथ क्लबका लागि गिफ्टी अचुङपोङले गोल गर्दै बागमती लाई महत्वपूर्ण ३ अंक दिलाइन् ।
९० मिनेटको निर्धारित समयमा शुन्यको बारबरीमा खेलिरहेको दुवै टिमका लागि ७ मिनेटको इन्जुरी समय थप गरिएको थियो । इन्जुरी समयको पाँचौं मिनेटमा गोल गर्दै गिफ्टीले बागमतीको अंक् तालिकालाई केही उकास्न मद्धत गरिन् ।
बागमती ७ खेलमा २ जित , १ बराबरी र ४ हारसहित तालिकाको सातौं स्थानमा उक्लिएको छ ।
कर्णाली भने ७ खेलमा १ जित १ बराबरी र ५ हारसहित तालिको नवौं स्थानमा रहेको छ ।
– यस समाचारको श्रोत : Online Khabar हो ।