एपीएफ अपराजित रहँदै सुपर लिगमा
११ असोज, काठमाडौं। एन्फा महिला लिग २०८१ मा लिग चरणको अन्तिम खेलमा बागमती युथ क्लबलाई ५-० ले पराजित गर्दै एपीएफ सुपर लिग प्रवेश गरेको छ ।
एपीएफ अपराजित रहँदै सुपर लिग प्रवेश गरेको हो । एन्फा कम्प्लेक्स सातदोबाटोमा भएको खेलमा एपिएफको जितमा आज रश्मि कुमारी घिसिङले चार गोल गरिन् ।
रश्मीले ३५ औं मिनेटमा गोल गर्दै एपिएफलाई अग्रता दिलाएकी थिइन् । पहिलो हाफमा बागमतीले सुनिता भुलानलाई लाग्दै आत्मघाती गोल बेहोर्न पुग्यो । ४० औं मिनेटमा अनिता बस्नेतको कर्नरमा रश्मि कुमारी घिसिङको हेडर सुनिता भुलानलाई लाग्दै गोल भएको हो ।
पहिलो हाफमा २–० को अग्रता बनाएको एपिएफले दोस्रो हाफमा ७ गोल थप्यो र खेल बागमतीबाट निकै टाढा लग्यो ।
दोस्रो हाफमा ४७ औं मिनेटमा अनिता बस्नेतले गोल गरिन् ।
खेलको ५७ औं, ८२ औं र ८८ औं मिनेटमा रश्मि कुमारी घिसिङले गोल गरिन् ।
त्यस्तै, इन्जुरी समयमा सविता राना मगरले गोल गर्दै एपिएफलाई ७–० को जित दिलाइन् ।
बागमतीको भने यो सिजनको यो अन्तिम खेल थियो ।
एपिएफ ९ खेलमा १ बराबरी सहित २५ अंक सहित शिर्ष स्थानमा रहँदै सुपर लिग प्रवेश गरेको हो ।
बागमती भने शिर्ष पाँचबाट बाहिरिइसकेको छ । बागमतीले ९ खेलमा ३ जित, १ बराबरी र ५ हार सहित सिजन सकेको छ ।
– यस समाचारको श्रोत : Online Khabar हो ।