Main
श्रेयस बने आइपीएलकै महङ्गा खेलाडी
९ मंसिर, काठमाडौं । भारतीय खेलाडी श्रेयस अय्यर आइपीएल इतिहासकै सबैभन्दा महङ्गा खेलाडी बनेका छन् ।
जारी अक्सनमा पञ्जाब किङ्सले उनलाई २६ करोड ७५ लाख भारुमा किनेको हो ।
यसअघि गत वर्ष भएको अक्सनमा कोलकाता नाइट राइडर्सले अस्ट्रेलियन बलर मिचेल स्टार्कलाई २४ करोड ७५ लाख भारुमा खरिद गरी सबैभन्दा महङ्गा बनेका थिए ।
यसपटक भने स्टार्कलाई दिल्ली क्यापिटल्सले ११ करोड ७५ लाख भारुमा किनेको छ ।
श्रेयस गतवर्ष कोलकाताको कप्तान थिए । उनकै कप्तानीमा कोलकाताले आइपीएल २०२४ को उपाधि जितेको थियो ।
उपाधि जिताएको भएपनि कोलकाताले उनलाई रिलिज गरेको थियो ।
अपडेट: जारी अक्सनमा अर्का भारतीय खेलाडी रिषभ पन्तले श्रेयसलाई पनि उछिन्दै महंगा खेलाडी बनेका छन्। उनलाई लखनउ सुपर जायन्ट्सले २७ करोडमा किनेको छ ।
– यस समाचारको श्रोत : Online Khabar हो ।