संसदको सचिवमा सुरेश अधिकारीको नाम सिफारिस

१७ असार, काठमाडौं । सभामुखले पूर्वसचिव सुरेश अधिकारीलाई संसदको सचिव नियुक्त गर्न सिफारिस गरेका छन् ।

सभामुख देवराज घिमिरेले अधिकारीलाई संसदको सचिव नियुक्त गर्न राष्ट्रपतिपक्षम सिफारिस गरेका हुन् ।

प्रतिनिधिसभाका सचिव पदमप्रसाद पाण्डेय संघीय संसदको महासचिव भएपछि सचिव पद रिक्त थियो ।

सभामुखले संविधानको धारा १०६ तथा संघीय संसदका महासचिव, प्रतिनिधि सभाका सचिव तथा राष्ट्रिय सभाका सचिवको पारिश्रमिक, सेवाको शर्त र सुविधा सम्बन्धी ऐन, २०७५ को दफा ३ बमोजिम सङ्खुवासभाका अधिकारीको नाम सिफारिस गरेको संसद सचिवालयले जनाएको छ ।

– यस समाचारको श्रोत : Online Khabar हो ।