Main
शीर्ष स्थानको पुलिस अग्रता बढाउँदै
५ मंसिर, काठमाडौं । नेपाल पुलिस क्लबले ललित स्मृति एन्फा यू-१८ युथ लिगमा बुधबार चर्च ब्वाइज युनाइटेडलाई ३-१ ले पराजित गर्दै शीर्ष स्थानमा अग्रता फराकिलो बनाएको छ । पुलिसले दोस्रो स्थानको एनआरटीमाथि ७ अंकको अग्रता बनाएको छ ।
पुलिसको ११ खेलबाट २६ अंक भएको छ । एक खेल कम खेलेको एनआरटीको १९ अंक छ ।
सातदोबाटोस्थित एन्फा कम्प्लेक्समा भएको भएको दिनको पहिलो खेलमा कप्तान सुबास बामको दुई गोल मद्दतमा पुलिसले सहज जित हात पारेको हो ।
सुबासले खेलको ११औं र ७२औं मिनेटमा गोल गरे । त्यसअघि उनले खेलको तेस्रो मिनेटमै पेनाल्टी चुकाएका थिए । यस्तै चिरन कार्कीले ४५औं मिनेटमा गोल गरे ।
चर्च ब्वाइजका लागि अनुज तामाङले ४७औं मिनेटमा एक गोल फर्काए ।
पराजित चर्च ब्वाइज १४ अंकसहित नवौँ स्थानमा छ ।
तस्बीर: एन्फा
– यस समाचारको श्रोत : Online Khabar हो ।