संसदमा कानुन निर्माणमा केन्द्रित हुने जसपाको निर्णय

२३ माघ, काठमाडौं । जनता समाजवादी पार्टी जसपाले कानुन निर्माणमा ध्यान केन्द्रित गर्ने निर्णय गरेको छ ।

मंगलबार अपरान्ह सिंहदरबारमा बसेको जसपाको संसदीय दलको बैठकले संसदको चालु अधिवेशनमा कानुन निर्माणमा केन्द्रित हुन र संसदमा आफ्नो सशक्त उपस्थिति देखाउने निर्णय गरेको हो ।

‘हिउँदे अधिवेशनमा जनता समाजवादी पार्टीको भूमिका कस्तो रहने, जनता समाजवादी पार्टीका सांसदहरुको भूृमिका कस्तो रहने, अनि जनता समाजवादी पार्टीका सांसदहरुले अधिकभन्दा अधिक समितिहरुमा भाग लिएर विधेयकहरु बनाउने र संसदमा चाहिँ अधिकभन्दा अधिक उपस्थित हुने यो विषयमा हाम्रो छलफल रह्यो’, उनले भने ।

बैठकमा सांसदहरुलाई संसदले जारी गरेको क्यालेण्डरअनुसार उपस्थित हुन पनि सचेत गराएको प्रमुख सचेतक यादवले बताए । ‘क्यालेण्डर अनुसार हामीले बढीभन्दा बढी उपस्थित हुने र विधेयकमा भाग लिने, कानुन बनाउन भाग लिने, अनि यो खास गरेर जनता समाजवादी पार्टीको जुन भुमिका हुन्छ । त्यो आफ्नो देखाउने’ उनले भने ।

बैठकमा सांसदहरु चुरे क्षेत्रको संरक्षणबारे चासो र चिन्ता पनि व्यक्त गरेका थिए ।

– यस समाचारको श्रोत : Online Khabar हो ।