बिपिन कार्की स्टारर ‘तेल भिसा’को प्रदर्शन मिति तय
काठमाडौं । बिपिन कार्की स्टारर फिल्म ‘तेल भिसा’को प्रदर्शन मिति तय भएको छ । निर्माताले आइतबार बेलुका फस्टलुक पोस्टर सार्वजनिक गर्दै मंसिर ७ गते रिलिज हुने घोषणा गरेका हुन् ।
पहिलो चरणको छायांकन अमेरिकामा भएको थियो । सोमबारदेखि नेपालमा दोस्रो चरणको सुटिङ सुरु हुनुअघि प्रदर्शन मिति तय गरिएको हो ।
सिनेमाको सार्वजनिक पोस्टरमा अभिनेता विपिन कार्कीलाई दोहोरो भूमिकामा प्रस्तुत गरिएको छ । उनलाई जवान र वृद्ध गरी दुई फरक चरित्रमा चित्रण गरिएको छ ।
पोस्टरमा अभिनेत्री वर्षा राउत, ऋचा घिमिरे र पुजा लामासहित अमेरिकी कलाकार छन् । उपयुक्त मिति लागेर नै यो मितिमा प्रदर्शन घोषणा गरिएको निर्देशक शंकर घिमिरे बताउँछन् ।
बुद्धि तामाङ पनि शीर्ष भूमिकामा छन् । वेलडन क्रियसनको व्यानरमा ऋचा घिमिरेको प्रस्तुति रहेको फिल्ममा अनिश पाण्डे र शिवराज कार्कीको लगानी छ ।
– यस समाचारको श्रोत : Online Khabar हो ।