संसदीय समितिमा गएनन् प्रधानमन्त्री ओली

१६ साउन, काठमाडौं । प्रधानमन्त्री केपी शर्मा ओली प्रतिनिधि सभाको राज्य व्यवस्था तथा सुशासन समितिको बैठकमा अनुपस्थित भएका छन् ।

समिति सभापति रामहरि खतिवडाका अनुसार प्रधानमन्त्रीलाई पत्र पठाएर उपस्थित हुन भनिएको थियो ।

तर प्रधानमन्त्रीले ओलीले आफ्नो स्थानमा गृहमन्त्री रमेश लेखकलाई बैठकमा पठाएका थिए ।

‘प्रधानमन्त्रीलाई समितिले आमन्त्रण गरेको रहेछ । उहाँको कार्यव्यस्तता र विषय ज्यादा गृह मन्त्रालयसँग सम्बन्धित रहेकाले प्रधानमन्त्रीले मलाई पठाउनु भयो,’ लेखकले समितिको बैठकमै भने ।

प्रधानमन्त्री ओलीले पनि आफू समिति बैठकमा उपस्थित हुन नसक्ने पत्र पठाएका थिए । सभापति खतिवडाले बैठकको अन्तिममा प्रधानमन्त्रीको पत्र प्राप्त भएको जानकारी गराए ।

– यस समाचारको श्रोत : Online Khabar हो ।