सडक डिभिजनले भन्यो– बालेनसँग न्यूरोडमा बिबाद भएको हो, नसच्चिए प्रतिकार हुन्छ
१२ जेठ, काठमाडौं । सडक बिभाग अन्तर्गतको सडक डिभिजन काठमाण्डौको गेटमा धूलो थुपारिदिने काठमाण्डौ महानगरको कदमलाई अराजक ब्यबहार भन्दै प्रतिकार गर्ने चेतावनी दिएको छ ।
शनिवार साँझ काठमाण्डौ महानगरपालिकाले आफ्नो कार्यालय गेट अगाडी धूलो थुपारिदिएपछि आक्रोशित भएको बिभागले जे बिषय उठाएर काठमाण्डौ महानगरका मेयरले धूलो थुपारे, खास कुरा त्यो भन्दा भिन्न रहेको बिबरणसमेत खुलाएको छ ।
सडक डिभिजन काठमाण्डौले अबेर राती बिज्ञप्ति जारी गर्दै बिबादको चुरो न्यूरोड क्षेत्रमा बाटो साँघुरो बनाउने बिषय रहेको बताएको छ । न्यूरोड क्षेत्रमा मोटर गुड्ने पिच बाटो घटाएर पैदलयात्रीका लागि बाटो बनाउन महानगरले सुरु गरेको छ । शनिवार दिउँसो १२ बजे विनाअनुमति सडक काटी सडकको स्टाण्डर्ड चौडाई घटाउन नपाउने भन्दै सडक डिभिजनले रोक लगाएपछि त्यसलाई बिषयान्तर गर्न महानगरले रिङरोडको बिषय उठाएको डिभिजन कार्यालयले बताएको छ ।
शुक्रबारमात्रै डिभिजन प्रमुख र महानगरका मेयर बालेनवीच आपसी सहकार्य गर्ने बिषयमा छलफल भएको खुलाउँदै कार्यालयले आफ्नो अधिकारक्षेत्रभित्र नपर्ने बिषयलाई लिएर अराजक गतिविधि गरे प्रतिबादमा उत्रिने चेतावनीसमेत दिएको छ ।
– यस समाचारको श्रोत : Online Khabar हो ।