सरकारका साझा कार्यक्रम कार्यान्वयनलाई प्राथमिकता दिने निर्णय
९ असोज, काठमाडौं । अर्थ मन्त्रालयले सरकारको न्यूनतम साझा कार्यक्रममा समावेश विषयहरूलाई विशेष ध्यान दिएर अर्थ मन्त्रालयका नीति तथा कार्यक्रम र गतिविधिहरूमा समावेश गरी अघि बढाउने निर्णय गरेको छ ।
अर्थ मन्त्रालयमा बुधबार बसेको उच्चस्तरीय व्यवस्थापन समूहको बैठकले अर्थ मन्त्रालयले हरेक दिनमा गर्ने कार्यक्रममा पनि न्यूनतम साझा कार्यक्रममा उल्लेखित विषयलाई समावेश गरी कार्यान्वयन गर्ने निर्णय गरेको हो ।
२ असोज २०८१ का दिन प्रधानमन्त्री एवम् नेकपा एमालेका अध्यक्ष केपीशर्मा ओली र नेपाली कांग्रेसका सभापति शेरबहादुर देउवालाई न्यूनतम साझा कार्यक्रम हस्तान्तरण गरिएको थियो ।
सोही दिन बसेको मन्त्रिपरिषद्को बैठकले सरकारको न्यूनतम कार्यक्रम पारित गरी कार्यान्वयन गर्ने निर्णय गरेको थियो ।
सरकारको न्यूनतम साझा कार्यक्रममा अर्थतन्त्रलाई चलायमान बनाउने, युवा साझेदारी कार्यक्रमलाई अघि बढाउने लगायतका विषय छन् ।
बैठकले एक सय दिनमा सम्पन्न गर्नुपर्ने कार्यक्रम, अन्तर–मन्त्रालय समन्वय, राजस्व परिचालन, पूँजीगत खर्च, अर्थ मन्त्रालयको वार्षिक बजेट कार्यान्वयन लगायत विषयलाई विशेष प्राथमिकता दिने निर्णय गरेको हो ।
– यस समाचारको श्रोत : Online Khabar हो ।