सीमा नाघेको मान्छे

सीमा नाघिसकेको छ उसले

कानून मिचेको छ उसले

धेरै चिज मिचेको छ उसले

धर्ती मिचेको छ उसले

मानिस मिचेको छ उसले

आफन्त मिचेको छ उसले

यसरी धेरै चिज मिचेको छ उसले ।

ऊ कतै हराएको छ

कतै गएको छ

कुनै गन्तव्य छैन उसको

कुनै सीमा छैन उसको

धर्ती चिन्दैन

माया चिन्दैन

साथी चिन्दैन

मानवता थाहा छैन उसलाई

कल्याण थाहा छैन उसलाई

सबै थाहा छ उसलाई

केही थाहा छैन उसलाई

किन कि उसलाई कतै बन्धन छैन

कारागारबाट छुटकारा पाएको

वन्दी जस्तो उन्मुक्त छ ।

ऊ कतै पनि जान सक्दछ

न कसैको नियन्त्रणमा छ

न कसैको बहसमा छ

उसलाई प्रत्येक कुरामा सीमा नाघ्नै पर्छ

त्यसैले ऊ सीमा बाहिर छ

उद्दण्ड भएर गिनिज बुकमा

नाम लेखाउन ऊ कतै तल्लीन छ

एउटा सीमा नाघेको मान्छे ।

– यस समाचारको श्रोत : Online Khabar हो ।