सुक्खा पहिरोले थुनिएको तामाकोशीमा पानी बग्न थाल्यो

१८ जेठ, दोलखा । सुक्खा पहिरोले तामाकोशी नदी केही घण्टा थुनिएको थियो । यद्यपि अहिले आफैं पानी बग्न थालेकाले ठूलो जोखिम नरहेको स्थानीय प्रशासनले जनाएको छ ।

दोलखाका प्रमुख जिल्ला अधिकारी टुवराज पोखरेलका अनुसार लामाबगरभन्दा केही माथि देउराली नजिकै सुक्खा पहिरो खसेको थियो । नासा हाइड्रोले बाटो खनेको स्थानबाट सुक्खा पहिरो खस्दा बिहान १०/११ बजेतिर नदी थुनिएको थियो ।

तर अहिले पानी बग्न थालेको छ । गर्मी याममा नदीमा पानी धेरै नभएकाले ३/४ घण्टा थुनिएको पानीले जोखिम नरहेको प्रजिअ पोखरेलले बताए ।

– यस समाचारको श्रोत : Online Khabar हो ।