अरुणभ्याली हाइड्रोपावरको सेयर नपाउनेलाई बिहीबारदेखि पैसा फिर्ता

२ जेठ, काठमाडौं । अरुणभ्याली हाइड्रोपावर कम्पनीको लिलामी सेयर नपाउनेले बिहीबारदेखि रकम फिर्ता पाउने भएका छन् । बिक्री प्रवन्धक मुक्तिनाथ क्यापिटलले एक सूचना जारी गर्दै बिहीबारदेखि रकम फिर्ता हुने जनाएको हो ।

कम्पनीले हकप्रद निष्कासनका क्रममा अवितरित १९ लाख ९२ हजार १३४ कित्ता सेयर बिक्रीका लागि शिलबन्दी बोलपत्र आवेदन माग गरेको थियो । सो लिलामी सेयरमा कटअफ मूल्य १४३ रुपैयाँ ५० पैसा कायम भएको छ । मंगलबार कारोबार बन्द हुँदा यस कम्पनीको मूल्य प्रतिकित्ता १६५ रुपैयाँ ९० पैसा छ ।

क्यापिटलका अनुसार कटअफ मूल्यभन्दा माथि रकम तोकेर आवेदन दिनेले सेयर नै पाउने छन् भने सोभन्दा कम रकम तोकेर आवेदन दिनेलाई बिहीबारदेखि रकम फिर्ता हुनेछ ।

– यस समाचारको श्रोत : Online Khabar हो ।