सुर्तीजन्य पदार्थ जैविक खोलमा प्याकिङ गर्नुपर्ने मिति तीन महिना थप
५ वैशाख, काठमाडौं । सरकारले सुर्ती, खैनीजन्य वस्तुलाई सडेर जाने जैविक खोलमा प्याकिङ गर्नुपर्ने मिति तीन महिना थप गरेको छ ।
अर्थ मन्त्रालयले अन्तःशुल्क नियमावली २०५९ मा संशोधन गर्दै प्याकिङ गर्नुपर्ने मिति तीन महिना लम्ब्याएको हो ।
सरकारले चालु आर्थिक वर्ष २०८०/८१ को बजेटसँगै अन्तःशुल्क नियमावलीमा संशोधन गर्दै १ वैशाख २०८१ देखि सुर्तीजन्य वस्तु (सुर्ती, खैनी, पान मसला, स्विट सुपारी वा यस्तै प्रकारका वस्तु) प्यालिस्टिकको खोलमा प्याकिङ गर्न नपाइने नियम ल्याएको थियो ।
तर, यस अवधिमा अपेक्षित प्रगति हुन नसकेपछि सरकारले यो नियम १ साउन २०८१ देखि लागु हुने लम्ब्याएको हो ।
अन्तःशुल्क नियमावली अनुसार अब यस्ता वस्तुलाई जैविक रुपमा सडेर जाने बायोडिग्रेडेबल सामग्रीमा मात्र प्याकिङ गर्नुपर्छ ।
यो नियम नेपालमा उत्पादन गर्नेसँगै आयात गरी बिक्री वितरण गर्नेहरूको हकमा समेत लागु हुनुपर्छ । अहिले भारतबाट यस्ता वस्तुहरू आयात भइरहेका छन् ।
– यस समाचारको श्रोत : Online Khabar हो ।