मगर समुदायले पनि टुँडीखेलमा २ दिन माघे सकराती मनाउने
२७ पुस, काठमाडौं । मगर समुदायले पनि काठमाडौंको टुँडीखेलमा २ दिन माघे सकराती मनाउने भएको छ ।
नेपाल मगर संघ केन्द्रीय समितिले बुधबार पत्रकार सम्मेलन गरी पुस २९ देखि माघ १ गतेसम्म टुँडीखेलमा मगर सकराती २०८० को आयोजना गर्ने जानकारी दिएको हो ।
महोत्सवको उद्घाटन प्रधानमन्त्री पुष्पकमल दाहाल ‘प्रचण्ड’ ले गर्ने नेपाल मगर संघ केन्द्रीय समितिका अध्यक्ष ज्ञानेन्द्र पुन मगरले बताए ।
उनका अनुसार महोत्सवमा मगरहरुको मौलिक सांस्कृतिक प्रदर्शनी, मौलिक खानपिन, भेषभूषा र मगर जातिको मौलिक खेल धनुषवाण हान्ने, क्षलो हान्ने खेल लगायतका कार्यक्रम रहनेछ । कार्यक्रममा मगर समूदायका अन्य संघ संस्थाहरुको पनि प्रतिनिधित्व रहने छ ।
महोत्सवमा मौलिक सांस्कृतिको प्रदर्शन हुने र सोही दिन मागरहरुको परम्परित खेलहरु क्षलो हान्ने र धनुष वाण लगायत शुभकामना आदान प्रदानको कार्यक्रम रहेको संघले जनाएको छ ।
महोत्सवमा मगर समुदायको मौलिक संस्कृति, भेषभुष, खानपिन, मौलिक खेल लगायतका गतिविधि हुने आयोजकले जनाएको छ । मगर समूदायको मौलिक संस्कृति र मौलिक खेलको संरक्षणका लागि महोत्सवको आयोजना गरिएको संघले जनाएको छ ।
– यस समाचारको श्रोत : Online Khabar हो ।