सूर्यदर्शन पीडित संघर्ष समितिले भन्यो : रास्वपाले संघर्ष समितिका अध्यक्षको चरित्रहत्या गर्यो
२२ कात्तिक, काठमाडौं । सूर्यदर्शन बचत पीडित संघर्ष समितिले राष्ट्रिय स्वतन्त्र पार्टीका नेता कार्यकर्ताले संघर्ष समितिका अध्यक्ष किरण श्रेष्ठ चरित्रहत्या गरेको जनाएको छ ।
संघर्ष समितिले विज्ञप्ति निकालेर रास्वपाले संघर्ष समितिका अध्यक्ष श्रेष्ठको चरित्र हत्या र मानव अधिकार हनन गरेको जनाएको छ ।
‘उहाँहरुकै पार्टीको नाम भएका आधिकारिक फेसबुक पेज, समूह र त्यही पार्टीसँग आबद्ध भएर आफ्नो पहिचान बनाउनु भएका व्यक्तिहरुको सामाजिक सञ्जाल फेसबुक पेजबाट गलत र झुटा कुराहरुको सम्प्रेषण भएको छ,’ विज्ञप्तिमा भनिएको छ ।
संघर्ष समितिका अध्यक्ष विरुद्ध रास्वपाका सिंगो पार्टी र साइबर सेना लागेको विज्ञप्तिमा उल्लेख गरिएको छ ।
रास्वपा सभापति रवि लामिछानेलाई पक्राउ गरिएपछि रास्वपा कार्यकर्ताहरु सडक र सामाजिक सञ्जालमा पीडित विरुद्ध झुटा लान्छना लगाएर चरित्र हत्या गरेको संघर्ष समितिले जनाएको छ।
भ्रष्टचारको अन्त र सुशासनको प्रतिबद्धता सहित स्थापना भएका दलका गतिविधि लज्जास्पद भएको संघर्ष समितिले ठहर गरेको छ ।
हेर्नुहोस् विज्ञप्ति :
– यस समाचारको श्रोत : Online Khabar हो ।