हङकङविरुद्ध नेपालले चौथो विकेट गुमायो, आरिफ सेख आउट

२६  फागुन, काठमाडौं । मैत्रीपूर्ण टी-२० आई क्रिकेटमा घरेलु टोली हङकङविरुद्ध २१३ रनको लक्ष्य पछ्याएको नेपालले चौथो विकेट गुमाएको छ ।

चौथो विकेटका रुपमा नेपालले आरिफ सेखमा ३८ रनमा गुमाएको हो । उनले २१ बलमा २ छक्का र ४ चौका प्रहार गरे ।

यसअघि तेस्रो विकेटका रुपमा नेपालका कप्तान रोहित पौडेल ३० रन बनाएर आउट भएका थिए । उनले २३ बलमा १ छक्का र २ चौकाको मद्दतमा ३० रन बनाएका हुन् ।

नेपालका विनोद भण्डारी २२ बलमा ४२ रन बनाएर आउट भएका थिए भने ओपनर कुशल भुर्तेल २ रनमै आउट भएका थिए ।

– यस समाचारको श्रोत : Online Khabar हो ।