Main
हरि रिमालले हङकङमा जिते हाफ म्याराथनको उपाधि
२१ माघ, काठमाडौं । नेपालका धावक हरि रिमालले हङकङमा हाफ म्याराथनको उपाधि जितेका छन् ।
हरिले हङकङमा सम्पन्न चाइना कोस्ट म्याराथनअन्तर्गत पुरुष हाफ म्याराथनको खुलाको उपाधि जितेका हुन् ।
उनले निर्धारित दूरी १ घण्टा १९ मिनेट ५५ सेकेण्डमा पूरा गर्दै स्वर्ण जिते । नेपाली सेनाका रिमाल यो प्रतियोगिता जित्ने पहिलो नेपालीसमेत बनेका छन् ।
लोङ चाङ १ घण्टा ३२ मिनेट ४८ सेकेण्डमा दौड पूरा गर्दै दोस्रो भए । यस्तै १ घण्टा ३४ मिनेट १० सेकेण्डमा दौड पूरा गर्दै क्विङ गोङ तेस्रो भए ।
एथलेटिक्स भेटेरियन्स अफ चाइनाले आयोजना गरेको यस प्रतियोगितामा नेपालमा रिमाल सहभागी थिए ।
ओलम्पिक रिमालले नेपालमा मध्यमदूरी देखि म्यारथनसम्म सहभागिता जनाएका छन् ।
– यस समाचारको श्रोत : Online Khabar हो ।