बिक्री घट्दा हिमालयन डिस्टिलरीको नाफामा ६३ प्रतिशत गिरावट
२१ वैशाख, काठमाडौं । हिमालयन डिस्टिलरीको खुद नाफा ६३ प्रतिशत घटेको छ । कम्पनीले चालु आर्थिक वर्षको तेस्रो त्रैमासिक अवधिमा २१ करोड ४ लाख रुपैयाँ खुद नाफा कमाएको छ ।
गत आर्थिक वर्षको यसै अवधिमा यस्तो नाफा ५७ करोड ६६ लाख रुपैयाँ थियो । कम्पनीको बिक्री आम्दानीमा आएको उच्च गिरावटले नाफामा असर पारेको हो ।
बिक्री आम्दानी गत आर्थिक वर्षको तेस्रो त्रैमासमा ४ अर्ब ५३ करोड रहेकोमा यो वर्षको सोही अवधिमा २ अर्ब ७४ करोडमा झरेको छ । माग तथा खपतमा आएको कमीले बिक्री आम्दानी घटेको कम्पनीले वित्तीय विवरणमा उल्लेख गरेको छ ।
कम्पनीको प्रतिसेयर आम्दानी पहिले २८ रुपैयाँ ७७ पैसा रहेकोमा अहिले १० रुपैयाँ ५० पैसामा झरेको छ । प्रतिसेयर नेटवर्थ ११९ रुपैयाँ ७७ पैसा छ । बिहीबार बजार बन्द हुँदा कम्पनीको मूल्य प्रतिकित्ता १४६० रुपैयाँ छ । यस आधारमा कम्पनीको मूल्य आम्दानी अनुपात अझै उच्च छ । १३९ गुणा हुन आउँछ ।
– यस समाचारको श्रोत : Online Khabar हो ।