सुपर मादी हाइड्रोपावरको ९ महिनाको नाफा ९ लाख

२३ वैशाख, काठमाडौं । सुपर मादी हाइड्रोपावर कम्पनीले चालु आर्थिक वर्षको तेस्रो त्रैमास (९ महिना)मा ९ लाख २ हजार रुपैयाँ खुद नाफा कमाएको छ । कम्पनी गत आर्थिक वर्षको यसै अवधिमा १० हजार नोक्सानीमा थियो । कम्पनीको बिक्री आम्दानीमा आएको वृद्धिले नाफामा योगदान पुगेको देखिन्छ ।

कम्पनीले चालु आवको तेस्रो त्रैमासमा ९४ लाख ५५ हजार रुपैयाँको विद्युत बिक्री गरेको छ । गत आवको यसै अवधिमा १३ हजार रुपैयाँको बिक्री गरेको थियो । कम्पनीले २०७९ चैत २७ गतेबाट सुपर मादी हाइड्रोपावरबाट विद्युत् बिक्री थालेको थियो ।

कम्पनीको प्रतिसेयर आम्दानी ५ रुपैयाँ ७३ पैसा छ भने प्रतिसेयर नेटवर्थ १०५ रुपैयाँ १६ पैसा छ । बिहीबार बजार बन्द हुँदा कम्पनीको सेयर मूल्य प्रतिकित्ता ४३६ रुपैयाँ ९० पैसा छ ।

– यस समाचारको श्रोत : Online Khabar हो ।