१३ वर्षका सहायक पुजारीले भगवती मन्दिरमा भित्र्याए फूलपाती (तस्वीरहरू )
२४ असोज, प्युठान। प्युठानको झिमरुक गाउँपालिका-४ बाङ्गेस्थित चर्चित तथा ऐतिहासिक भगवती मन्दिरमा दशैंको फूलपाती भित्र्याइएको छ ।
शताब्दी पुरानो ऐतिहासिक भगवती मन्दिरमा १३ वर्षका कान्छा पुजारी अमिर जिसीले आफ्नो काँधमा बोकेर डेढ घण्टाको हिंडाइपछि फूलपाती भित्र्याएका हुन् ।
यो मन्दिरमा दशैंको फूलपाती पधेरा स्कुलदेखि भगवती मन्दिरको कोटसम्म भित्र्याइन्छ।
यो भगवती मन्दिरमा अहिलेसम्म कम उमेरमा पुजारी बन्ने उनी नै पहिलो हुन् ।
१९६० सालमा स्थापना भएको यो भगवती मन्दिरमा अहिलेसम्म ५ जना सहायक पुजारी भइसकेका छन् । तर अमिर भने सबैभन्दा कान्छो पुजारी हुन् ।
यसअघि २०२८ सालमा १४ वर्षको उमेरदेखि सहायक पाँचौ पुजारी भएर वीरबहादुर जिसी ५४ वर्षदेखि मुख्य पुजारीको रुपमा काम गरिरहेका थिए । तर यसवर्ष भने वीरबहादुरलाई जुठो परेपछि उनको सट्टामा मन्दिरको निमित्त मुख्य पुजारीको जिम्मेवारी जगतबहादुर जिसीले पाएका छन् ।
घटस्थापनाको दिनदेखि पूजा सुरू भई द्वादशीका दिन फूलपाती ल्याइएको स्थानमा गएर पूजा समापन गरिन्छ ।
हेर्नुहोस् तस्वीरहरू :
– यस समाचारको श्रोत : Online Khabar हो ।