Main
रेमिट्यान्सको ठेगाना
भर्खरै १२ हजार घर पठाएको छु
बुबाको कलेजो जँचाउनलाई
केही दिनमा फेरि
दस हजार पठाउनु पर्नेछ
बुबाको रक्सी खर्चलाई
परारको साल दुई लाख पठाएको हुँ
भाइको बाइक किन्नलाई
दुईचार हजार पठाइरहेछु सधैं
उसको इन्धन खर्चलाई
पोहोर साल बीस हजार पठाएको हुँ
बहिनीको मोबाइल किन्नलाई
केही हजार पठाइरहेछु मासिक
उसको डाटा खर्चलाई
केही सालअघि ठूलै रकम पठाएको हुँ
साथीको चुनाव खर्चलाई
केही हजार मागिरहन्छ आजकल
सेकुवा खर्चलाई
आमा !
माया भए पुग्दो रैछ नि, आमा हुनलाई ?
कहिले सोधिनौ कति कमाउँछस् पैसा भनी
तिम्रो छोरोलाई ।
– यस समाचारको श्रोत : Online Khabar हो ।