‘२१ औं शताब्दीका महान पपस्टार’ सूचीको छैटौं स्थानमा ब्रिट्नी स्पियर्स
काठमाडौं । विश्वप्रसिद्ध संगीत म्यागजिन बिलबोर्डले केही महिनादेखि २१ औं शताब्दीका महान पपस्टारको सूची सार्वजनिक गर्दै आएको छ । एक साताको अन्तरालमा सूची सार्वजनिक हुँदै आएको छ ।
२५ औं स्थानदेखि सुरु भएको सूची छैटौंसम्म आइपुगेको छ । पछिल्लो साता सार्वजनिक भएको छैटौं स्थानको सूचीमा ब्रिट्नी स्पियर्स र सातौं स्थानमा कान्ये वेस्ट समेटिएका छन् । आठौं स्थानमा जस्टिन बिबर छन् ।
बिलबोर्डले १ देखि पाँचौं स्थानसम्मको सूची सार्वजनिक गर्ने तयारी गरेको छ । यसलाई लिएर अड्लकाजी चलिरहेका छन् ।
यसअघि सार्वजनिक भएका सूचीमा नवौं स्थानमा एरियाना ग्राण्डे, दशौंमा एडेल, एघारौंमा अशर, बाह्रौंमा एमिनेम, तेह्रौमा निक्की मिनाज, चौधौंमा जस्टिन टिम्बरलेक, पन्ध्रौंमा माइली साइरस, सोह्रौंमा जे–जेड छन् ।
सत्रौंमा शकिरा, अठारौंमा विकेन्ड, उन्नाइसौंमा बीटीएस, बीसौंमा ब्रुनो मार्स, एक्काइसौं लिल वेन, बाइसौंमा वन डाइरेक्सन, तेइसौंमा ब्याड बन्नी, चौबिसौंमा एड सिरन, पच्चिसौंमा केटी पेरी छन् ।
‘यी पपस्टार जसले पछिल्लो २५ वर्षयता सबैभन्दा धेरै पप स्टारडमलाई परिभाषित गरेका छन् । यस अवधिमा उनीहरुले हामीलाई पप महानताको उदाहरण पनि दिएका छन्’ बिलबोर्डले भनेको छ ।
– यस समाचारको श्रोत : Online Khabar हो ।