Main
यु–१६ महिला च्याम्पियनसिपमा नेपाल बंगलादेशसँग पराजित
१९ फागुन, काठमाडौं । साफ यू–१६ महिला च्याम्पियनसिपमा घरेलु टिम नेपाल बंगालदेशसँग २–० ले पराजित भएको छ ।
बंगलादेशका लागि २४ औं र ३१ औं मिनेटमा सौरभी अकान्डा प्रितीले गोल गरिन् ।
२४ औं मिनेटमा पहिलो गोल गर्दै प्रितीले बंगलादेशलाई अग्रता दिलाएकी हुन् । खेलको ३१ औं मिनेटमा गोलकिपर झरना डुम्राकोटीले डी बक्समा फाउल गर्दा बंगलादेशले पेनाल्टी पाएको थियो । पेनाल्टीमा प्रितीले सहज गोल गरिन् ।
खेलको दोस्रो हाफमा घरेलु टिम नेपाल केही आक्रामक देखिए पनि गोल भने गर्न सकेन ।
नेपालले साफ यू–१६ अन्तर्गत दोस्रो खेल सोमबार भुटानसँग खेल्नेछ ।
– यस समाचारको श्रोत : Online Khabar हो ।