कांग्रेसले भन्यो – एकीकृत समाजवादीसँगको छलफल सकारात्मक

२३ फागुन, काठमाडौं । नेपाली कांग्रेसले एकीकृत समाजवादीसँगको छलफल सकारात्मक भएको जनाएको छ ।

एकीकृत समाजवादीका अध्यक्ष माधवकुमार नेपालसँगको भेट पछि कांग्रेस नेता रमेश लेखकले दुई दलबीचको कुराकानी सकारात्मक भएको र छलफललाई निरन्तरता दिने बताए । ‘छलफल सकारात्मक छ । राजनीतिक घटनाक्रमका बारेमा छलफल कुराकानी भएको छ । छलफललाई हामी निरन्तरता दिन्छौं,’ लेखकले भने ।

नेपाललाई भेट्न उनको निवास कोटेश्वरमा कांग्रेस सभापति शेरबहादुर देउवा, आरजु राणा र लेखक पुगेका थिए ।

विकसित राजनीतिक घटनाक्रमका बारेमा छलफल हुनु स्वभाविक भएको लेखकले बताए । गठबन्धन टुट्नुको आधिकारीक धारणा पार्टीको कार्यसम्पादन समितिको बैठकबाट दिइसकेको उनले बताए ।

– यस समाचारको श्रोत : Online Khabar हो ।