उच्च कारोबार गरेका १० ब्रोकर कम्पनीमध्ये ७ को बिक्री धेरै

१९ चैत, काठमाडौं । सोमबार उच्च रकमको धितोपत्र कारोबार गरेका १० ब्रोकर कम्पनीहरुमध्ये ७ को बिक्री धेरै देखिएको छ । यस दिन १० ब्रोकर कम्पनीहरुले मात्रै २ अर्ब १५ करोड रुपैयाँ बराबरको कारोबार गरेका छन् ।

यो कारोबारमध्ये यी १० कम्पनीहरुले १ अर्ब ११ करोडभन्दा बढीको धितोपत्र बिक्री गरेका छन् भने १ अर्ब ४ करोड रुपैयाँ बराबरको खरिद गरेका छन् ।  ७ ब्रोकर कम्पनीमार्फत बिक्री धेरै देखिएको छ भने ३ ब्रोकर कम्पनीमार्फत खरिद धेरै देखिएको छ ।

बिक्री धेरै देखिएका ब्रोकर कम्पनीहरुमा नासा, इम्पेरियल, भिजन, एबीसी, लिन्च, आर्यतारा र दिपशिखा छन् । त्यस्तै खरिद धेरै देखिएका ब्रोकर कम्पनीमा सनी, क्यापिटल र अनलाइन छन् ।

– यस समाचारको श्रोत : Online Khabar हो ।