धितोपत्र बोर्डले अघि बढायो हकप्रद निष्कासन अनुमति

७ असार, काठमाडौं । नेपाल धितोपत्र बोर्डले हकप्रद सेयर निष्कासन अनुमति दिने कार्य अघि बढाएको छ । यसै क्रममा शुक्रबार मात्रै हिमालय ऊर्जा विकास कम्पनीलाई शत प्रतिशत हकप्रद सेयर निष्कासनको अनुमति दिएको हो । कम्पनीले ९९ लाख कित्ता हकप्रद सेयर निष्कासनको अनुमति पाएको छ । पुसयता हकप्रद निष्कासनको कार्य रोकिएको थियो ।

‘कुनै कैफियत नभएका थप सेयर निष्कासनको लागि प्रक्रिया पूरा गरेका कम्पनीलाई क्रमिक रुपमा अघि बढाउने निर्णय भएको छ’ कार्यकारी निर्देशक तथा प्रवक्ता नवराज अधिकारीले भने ‘सोही अनुसार हकप्रद निष्कासनको अनुमति दिन थालिसकेका छौं ।’

प्राथमिक सेयर निष्कासन (आईपीओ)को कार्य भने तत्काल अघि नबढ्ने भएको छ । आईपीओ निष्कासनको स्वीकृतिका लागि बोर्ड बैठक बसेर केही निर्णय गर्नुपर्ने भएकाले हाललाई आईपीओ निष्कासन कार्य अघि नबढ्ने भएको हो ।

– यस समाचारको श्रोत : Online Khabar हो ।