Main
भेट्रान धावक टोली बंगलादेश जाने
१० असार, काठमाडौं । अन्तर्राष्ट्रिय भेट्रान एथलेटिक्स प्रतियोगितामा सहभागी हुन ६ सदस्यीय खेलाडी टोली मंगलबार बंगलादेशको ढाका प्रस्थान गर्ने भएको छ ।
नेपालबाट धावकहरू बुद्धवीर लामा,पुष्पराज श्रेष्ठ, दीपककुमार रन्जित, धर्म महर्जन, रेवत दाहाल र लाक्पा लामा शेर्पा रहेका छन् ।
प्रतियोगिता यही जुन २७ देखि २९ सम्म हुनेछ । टोलीलाई सोमबार एक कार्यक्रमका बीच नेपाल एथलेटिक्स संघका अध्यक्ष राजीवविक्रम शाह, गायिक कोमल ओली, कीर्तिमानी धावक वैकुण्ठ मानन्धरलगायतले बिदाइ गरे ।
टोलीको बंगलादेश बसाइको व्यवस्थापन एथलेटिक्स संघले मिलाइ दिएको नेपाली टोलीको नेतृत्व गरेका धावक लामाले जनाएका छन् ।
– यस समाचारको श्रोत : Online Khabar हो ।