Main
नवलपरासीमा मोटरसाइकल र साइकल ठोक्किंदा एक जनाको मृत्यु
२२ भदौ, काठमाडौं । मोटरसाइकल दुर्घटना र साइकल ठोक्किंदा नवलपरासीमा एक जनाको मृत्यु भएको छ ।
शुक्रबार राति नवलपरासीको बर्दघाट नगरपालिका-१३ जमुनियास्थित नारायणचोकतर्फ जाँदै गरेको लु४प ७६९१ नं. को मोटरसाइकल र विपरीत दिशाबाट आउँदै गरेको साइकल एक आपसमा ठोक्किएका थिए ।
दुवै चालकहरु घाइते भई उपचारको लागि मेडिकल कलेज भैरहवा रुपन्देही पठाइएकोमा साइकल यात्रीको आज बिहान उपचारका क्रममा मृत्यु भएको प्रहरीले जनाएको छ ।
मृत्यु हुनेमा नवलपरासी बर्दघाट नगरपालिका-१ नारायणचोकका ४७ वर्षीय सुरेश चौधरी रहेका छन् । उनको शव मीम अस्पताल भैरहवामा राखिएको छ ।
मोटरसाइकल चालक नवलपरासीको प्रतापपुर गाउँपालिका -२ गोपीगंजका १७ वर्षर्षीय किशोर घाइते भएका छन् ।
– यस समाचारको श्रोत : Online Khabar हो ।