‘भ्वाइस अफ नेपाल सिजन ६’को कोचमा राजु लामाको पुनरागमन
काठमाडौं । ‘द भ्वाइस अफ नेपाल’ सिजन ६’को कोचको रुपमा राजु लामाको पुनरागमन भएको छ । यो लोकप्रिय गायन रियालिटी शोले विहिबार बेलुका पहिलो कोचस्वरुप लामाको नाम घोषणा गरेको हो ।
एक भिडियो सन्देश जारी गर्दै राजुलाई कोचको रुपमा चिनाइएको छ । भिडियोमा लामा भन्छन्- ‘तपाईंहरुको आवाजलाई सगरमाथाको शिखरमा पु¥याउन आइपुगेको छ तपाईंहरुको जो जो ।’
लामा यसअघि सिजन २, ३ र ४ मा कोच रहिसकेका छन् । पाँचौ सिजनमा उनी देखिएनन् । सिजन ४ मा उनको टीम विजयी भएको थियो । उनी भ्वाइस किड्सको पहिलो सिजनका कोच पनि थिए ।
शो निर्देशक लक्ष्मण पौडेलले बाँकी ३ कोचको टुंगो यसैसाता लाग्ने बताए । ‘पहिलो कोचको रुपमा राजुजी फाइनल हुनुभयो । केही दिनमा बाँकीसँग साइन हुँदैछ’ अनलाइनखबरसँग उनले भने, ‘केही नयाँ र केही पुरानै हुने सम्भावना छ ।’
सिजन ५ को ब्लाइन्ड अडिसन तिहारलगत्तै सुरु हुने जनाइएको छ । यो रियालिटी शो मंसिर अन्त्यदेखि हिमालय टिभीमा प्रसारण हुने निर्देशक पौडेलले जनाए ।
– यस समाचारको श्रोत : Online Khabar हो ।