एमालेको युवा–विद्यार्थी विशेष जिल्ला अध्यक्षमा शिवाकोटी निर्विरोध

३० कात्तिक, काठमाडौं । नेकपा एमालेको युवा–विद्यार्थी विशेष जिल्ला कमिटीको अध्यक्षमा सुदर्शन शिवाकोटी निर्विरोध अध्यक्ष चयन भएका छन् ।

केन्द्रीय मूख्यालय च्यासलमा जारी पाँचौं जिल्ला अधिवेशनबाट शिवाकोटी निर्विरोध अध्यक्ष चयन भएका हुन् । सचिवमा नरेन्द्र न्यौपाने पनि निर्विरोध भएका छन् ।

बाँकी पदाधिकारीमा भने सहमतिको प्रयत्न भइरहेको इन्चार्ज रमेश पौडेलले बताए । ‘सकेसम्म अरु पदमा पनि निर्विरोध गर्ने प्रयास गरिरहेका छौ’, पौडेलले भने ।

युवा–विद्यार्थी विशेष कमिटीलाई एमालेले गैरभौगोलिक जिल्ला कमिटी मान्ने गरेको छ । गत वर्ष नै सबै जिल्ला कमिटीको अधिवेशन गर्ने कार्यक्रम रहेपनि सात भौगोलिक जिल्ला सँगै युवा–विद्यार्थी विशेषमा पनि अधिवेशन हुन सकेको थिएन ।

– यस समाचारको श्रोत : Online Khabar हो ।