टीम राजेशपायलका मकर योञ्जन भ्वाइसको फाइनलमा, यी हुन् चार फाइनलिस्ट
काठमाडौं । ‘भ्वाइस अफ नेपाल’ सिजन ५ ले चार फाइनलिस्ट प्राप्त गरेको छ । शनिबार लाइभ राउण्ड सकिएसँगै फिनालेको समीकरण तयार भएको हो ।
पछिल्लो एपिसोडमा टीम राजेशपायल राईको समूहबाट मकर योञ्जन फाइनलमा प्रवेश गरे । मोनिका राई बाहिरिइन् । ‘मैले भ्वाइसको स्टेजलाई निकै मिस गर्नेछु’ बाहिरिएको घोषणापछि उनले भनिन् ।
मोनिका बाहिरिएको क्षण निकै मर्मस्पर्शी बन्यो । उनले आँसु त बगाइन् नै कोच राजेशपायलले पनि आफूलाई सम्हाल्न सकेनन् ।
टीम मिलन नेवारबाट विनोद राई, टीम प्रमोद खरेलबाट नोगेन लिम्बु, टीम राजेशपायल राईबाट मकरबहादुर योञ्जन र टीम उदय सोताङबाट कुमार प्रयास राई फाइनलिस्ट बनेका छन् ।
चारैजना फाइनलिस्टको भोटिङ पनि खुला भएको छ । भ्वाइसको फिनाले आगामी शुक्रबार ललितपुरको गोदावरीस्थित सनराइज हलमा आयोजना हुँदैछ ।
चार फाइनलिस्टबारे विस्तृत तल पढ्न सक्नुहुन्छ :
– यस समाचारको श्रोत : Online Khabar हो ।