दुर्गा प्रसाईंलाई सर्वोच्चमा उपस्थित गराइयाे

काठमाडौं। मेडिकल व्यवसायी दुर्गा प्रसाईंलाई सर्वोच्च अदालतमा उपस्थित गराइएको छ।

दोस्रो पटक दर्ता भएको बन्दी प्रत्यक्षीकरणको रिटमा सर्वोच्चले दिएकाे आदेशअनुसार प्रसाईंलाई शुक्रबार अदालतमा उपस्थित गराइएको हाे।

प्रसाईंका तर्फबाट छाेरा निराजन प्रसाईंले दिएकाे दोस्रो बन्दी प्रत्यक्षीकरणको रिट न्यायाधीशद्वय डा. नहकुल सुवेदी र शारंगा सुवेदीको इजलासमा सुनुवाइ भइरहेको छ।

बुधबार न्यायाधीश सुनिलकुमार पोखरेलको इजलासले प्रसाईंलाई पक्राउ गरिएकाे विषयमा कारण देखाउ आदेश जारी गर्दै साथमा बन्दीलाई पनि आदालतमा उपस्थित गराउन आदेश गरेकाे थियाे।

मंसिर २७ गते काठमाडाैँ जिल्ला अदालतले साइबर अपराधमा धराैटीमा छाड्न आदेश दिएपनि प्रसाईंलाई प्रहरीले फेरि आपराधिक विश्वासघातको कसूरमा पक्राउ गरेकाे थियाे।

उक्त पक्राउका विरुद्धका प्रसाईंका छोरा निराजनले सर्वोच्चमा बन्दी प्रत्यक्षीकरणको निवेदन दर्ता गराएका थिए।

‘फेक डकुमेन्ट’ को सहारामा प्रधानमन्त्री केपी शर्मा ओलीको बारेमा भ्रामक र गलत जानकारी फैलाएको आरोपमा प्रसाईंलाई नेपाल प्रहरीको साइबर ब्युरोकाे टाेलीले मंसिर ४ गते भक्तपुरस्थित उनकै निवासबाट पक्राउ गरेको थियाे।

– यस समाचारको श्रोत : देश – PrawasKhabar हो ।