संसद बैठकअघि सचेतकहरुसँग छलफल गर्दै सभामुख
१९ माघ, काठमाडौँ । सभामुख देवराज घिमिरेले संसदमा प्रतिनिधित्व गर्ने राजनीतिका सचेतक र प्रमुख सचेतकहरुसँग छलफल गर्दैछन् ।
सभामुखको सचिवालयका अनुसार संसद बैठकअघि सचेतकहरुसँग छलफल गर्न लागेका हुन् । संघीय संसदको हिउँदे अधिवेशन यही माघ २२ गतेबाट सुरु हुँदैछ ।
सभामुखले संसदको अधिवेशन तयारी सम्बन्धमा छलफल गर्न शुक्रबार दिउँसो ४ बजे सिंहदरवारस्थित आफ्नै कार्यकक्षमा प्रमुख सचेतक र सतेकहरुलाई बोलाएका हुन् ।
सभामुखले यसपटकदेखि संसदीय क्यालेन्डर लागू गर्ने तयारी गरेका छन् ।
सचेतक र प्रमुख सचेतकहरुसँग सिंहदरवारमा भेट्नु अगाडि सभामुखले शुक्रबार नै प्रधानमन्त्री पुष्पकमल दाहाल प्रचण्ड र अर्थमन्त्री प्रकाशशरण महतसँग पनि भेट्दैछन् । उक्त भेटमा राष्ट्रिय सभाका अध्यक्ष गणेश तिमिल्सना र प्रमुख दलका प्रमुख सचेतक र सचेतक समेत रहनेछन् ।
संसद सचिवालयका अनुसार प्रधानमन्त्री र अर्थमन्त्रीसँग संसदको बजेट लगायतका विषयमा छलफल गर्न लागिएको हो ।
– यस समाचारको श्रोत : Online Khabar हो ।