LIVE : सुरू भयो बजेट भाषण
१५ जेठ, काठमाडौं । सरकारले आगामी आर्थिक वर्ष २०८१/०८२ को बजेट ल्याएको छ । संघीय संसदको बैठकमा अर्थमन्त्री वर्षमान पुनले बजेट प्रस्तुत गर्दैछन् ।
2 mins ago, 15:42:53
बजेटका ५ रुपान्तरण क्षेत्र
क. कृषि क्षेत्रको रुपान्तरण
ख. ऊर्जा क्षेत्रको विकास
ग. सूचना प्रविधिको विकास
घ. पर्यटन प्रवर्द्धन
ङ. उद्यमशीलता र औद्योगिक विकास
2 mins ago, 15:42:12
१६ लाख पर्यटक भित्र्याउने लक्ष्य
आगामी आर्थिक वर्षमा १६ लाख पर्यटक भित्र्याउने लक्ष्य राखिएको छ ।
छिमेकी भारत र चीनमा पर्यटक प्रवर्द्धनका कार्यक्रम गरिनेछ ।
नेपाल भारत सीमा नाकाबाट पशुपतिनाथ मुक्तिनाथ र स्वर्गद्वारीसम्म बस सञ्चालन गरिने ।
टाकुरा पर्यटन र इको हिल टुरिजम विकास गरिने ।
7 mins ago, 15:37:51
आगामी आर्थिक वर्षलाई सूचना प्रविधि विकासको प्रस्थान दशक
आगामी आर्थिक वर्षलाई सूचना प्रविधि विकासको प्रस्थान दशक घोषणा गरिएको छ ।
डिजिटल नेपाल फ्रेमवर्क परिमार्जन गरिने ।
काठमाडौं र बुटवलमा उच्च गतिको इन्टरनेटसहितको सूचना प्रविधि पार्क निर्माण गरिने ।
ललितपुरको खुमलटारमा ज्ञान पार्क निर्माणका लागि १७ करोड रुपैयाँ विनियोजन गरिएको छ ।
8 mins ago, 15:36:27
उर्जा क्षेत्र विकासका लागि ५० अर्ब विनियोजन
हरित हाइड्रोजनको अनुसन्धान र विकासका लागि आवश्यक बजेट विनियोजन गरेको छु । कर्णाली करिडोर ४०० केभी प्रशारण लाइन निर्माण अघि बढाइनेछ ।
न्यू बुटवल अन्तरदेशीय प्रशारण लाइनको निर्माण पूरा गरिनेछ ।
उर्जा क्षेत्र विकासका लागि ५० अर्ब विनियोजन गरिएको छ ।
10 mins ago, 15:34:21
कृषिको बजेट ५७ अर्ब २९ करोड
आगामी आर्थिक वर्षका लागि कृषि तथा पशुपंक्षी मन्त्रालयका लागि ५७ अर्ब २९ करोड रुपैयाँ विनियोजन गरिएको छ ।
– यस समाचारको श्रोत : Online Khabar हो ।