Main
अग्रता जोगाउन नसक्दा बागमती स्वयम्भूसँग बराबरीमा रोकियो
१० वैशाख, काठमाडौं । बागमती युथ क्लबले सुरुवाती अग्रता जोगाउन नसक्दा शहीद स्मारक सी डिभिजन लिगमा सोमबार स्वयम्भु क्लबसँग १-१ को बराबरी खेलेको छ ।
सातदोबाटोस्थित एन्फा कम्प्लेक्स मैदानमा भएको खेलमा राज भुसालले ४१औं मिनेटमा गोल गर्दै बागमतीलाई पहिले अग्रता दिलाएका थिए । तर स्वयम्भुले दोस्रो हाफमा बराबरी गोल फर्कायो ।
स्वयम्भुका लागि रन्जन पुनले ७६औं मिनेटमा बराबरी गोल गरेका थिए ।
लिगमा उपाधि दाबेदार मानिएको बागमतीको यो पहिलो बराबरी हो । चार खेल खेल्दा २ जित १ बराबरी र १ हारको नतिजा निकालेको बागमती ७ अंकसहित तेस्रो स्थानमे कायम छ ।
दोस्रो बराबरी खेलेको स्वयम्भुको चार खेलबाट २ अंक छ र १२ औं स्थानमै छ ।
– यस समाचारको श्रोत : Online Khabar हो ।