Main
अमेरिकाले दियो वेस्ट इन्डिजलाई १२९ रनको लक्ष्य
८ असार, काठमाडौं । टी-२० विश्वकप २०२४ को सुपर-८ अन्तर्गत अमेरिकाले वेस्ट इन्डिजलाई १२९ रनको लक्ष्य दिएको छ ।
ब्रिजटाउनमा टस हारेर पहिले ब्याटिङ गरेको अमेरिका १९.५ ओभरमा १२८ रनमा अलआउट भयो ।
अमेरिकाका एन्ड्रिस गोसले २९, नितिश कुमारले २०, मिलिन्द कुमारले १९, श्याडली भान श्यालवाएकले १८, अली खानले १४ र बरोन जोन्सले ११ रनको योगदान गरे ।
वेस्ट इन्डिजका आन्द्रे रसेल र रोस्टन चेसले तीन/तीन, अल्जारी जोसेपले २ तथा गुडाकेश मोतीले एक विकेट लिए ।
सुपर-८ मा दुवै टोलीले एक/एक खेलमा हार व्यहोरेका छन् । वेष्ट इन्डिज इंग्ल्यान्ड र अमेरिका साउथ अफ्रिकासँग पराजित भएको हो ।
– यस समाचारको श्रोत : Online Khabar हो ।