असोजदेखि पार्टी प्रवेश अभियान चलाउने राप्रपाको निर्णय

२३ भदौ, काठमाडौं । राष्ट्रिय प्रजातन्त्र पार्टी (राप्रपा)ले असोजदेखि पार्टी प्रवेश अभियान चलाउने निर्णय गरेको छ ।

केन्द्रीय कार्यसम्पादन समितिको आइतबार बसेको बैठकले स्वेदेशका साथै प्रवासमा समेत पार्टी र पार्टीको एजेण्डाप्रति आकर्षण देखिएको निष्कर्ष निकालेको छ । यसलाई संगठनको दायरामा ल्याउन पार्टी प्रवेश अभियान चलाउने र २०८१ लाई पार्टी प्रवेशको वर्षका रुपमा मनाउन राप्रपाको निर्णय छ ।

बैठकले केन्द्रीय निर्वाचन समितिलाई पूर्ण दिएको छ भने आफ्नै कार्यालय भवन चाबहिलमा बनाउने निर्णय गरेको छ ।

यसका लागि आर्थिक विभागका प्रमुख दिनेश श्रेष्ठको नेतृत्वमा भवन निर्माण समिति गठन गरिएको प्रवक्ता मोहनकुमार श्रेष्ठले जानकारी दिए ।

– यस समाचारको श्रोत : Online Khabar हो ।