आफू प्रेम सम्बन्धमा रहेको नन्दिता केसीको संकेत 

काठमाडौं । अभिनेत्री नन्दिता केसीले आफ्नो रिलेसनसिप स्टाटस ‘सिंगल’ नरहेको भन्दै प्रेमीसँगको तस्वीर सार्वजनिक गरेकी छन । आइतबार राति इन्स्टाग्रामबाट उनले आफू सम्बन्धमा रहेको उल्लेख गरेकी हुन् ।

पहाड र तालको सुन्दर पृष्ठभूमिमा प्रेमीसँग अँगालो हालेको तस्वीर पोस्ट गर्दै उनले आफ्नो रिलेसनसिप स्टाटस खुलाएकी हुन् । फोटोको क्याप्सनमा उनले लभहार्ट इमोजी उल्लेख गरेकी छन् । पृष्ठभागबाट खिचिएको फोटोले अनुहार भने देखाउँदैन ।

उनले यो फोटोमा जेडा फेसरको गीत ‘अ थाउजन्ड इयर्स’ समावेश गरेकी छन् । यो गीतले प्रेमिल भाव व्यक्त गर्छ । उनको यो तस्वीरमा अभिनेत्री गरिमा पन्तसहित फ्यानले बधाई तथा शुभकामना दिइरहेका छन् ।

नन्दिता पछिल्लो समय अमेरिकाको न्युयोर्कमा बस्दै आएकी छन् । ३४ फिल्ममा अभिनय गरेकी उनको डेब्यु फिल्म ‘इन्द्रेणी’ थियो । उनको पछिल्लो ‘जंगबहादुरको कोट’ सात वर्षअघि रिलिज भएको थियो ।

– यस समाचारको श्रोत : Online Khabar हो ।