एपीएफविरुद्ध हिमान्शुको ७ छक्का, अर्जुनको अर्धशतक
१७ माघ, काठमाडौं । कर्णाली प्रदेशका दुई युवा ब्याटर अर्जुन घर्ती र हिमान्शु शाहीले प्रधानमन्त्री कप एकदिवसीय राष्ट्रिय प्रतियोगितामा नेपाल एपीएफ क्लबविरुद्ध अर्धशतक पूरा गरेका छन् ।
हिमान्शु ५० बलमा २ चौका र ७ छक्कासहित ६२ रनमा आउट भए । अमरसिंह राउटेलाको २८ औं ओभरको दोस्रो बलमा टप एज लागेर थर्डम्यानमा उनी रमेश कुर्मीबाट क्याच आउट भए ।
त्रिवि क्रिकेट मैदानमा टस हारेर पहिला ब्याटिङको निम्तो पाएको कर्णालीले २९ ओभरमा ४ विकेट गुमाउँदै १४६ रन बनाएको छ ।
विकेटकिपर अर्जुन घर्ती ६२ बलमा १ चौका र ३ छक्कासहित ५० र प्रकाश जैसी ४ रनमा क्रिजमा छन् ।
चौथो विकेटका लागि हिमान्शु र अर्जुनले १ सय ११ रनको सानदार शतकीय साझेदारी गरेका थिए ।
त्यसअघि कर्णालीका ओपनर निश्चल रावल स्पिनर रमेश कुर्मीको बलमा ६ रनमा एज लागेर आसिफ शेखबाट क्याच आउट भएका थिए ।
राजेश खड्का १ रनमा रन आउट भए । रविन्द्रजंग शाही ३० बलमा ३ चौका र १ छक्कासहित २२ रनमा आउट भए ।
– यस समाचारको श्रोत : Online Khabar हो ।