कुनै पार्टीसँग एकीकरण गर्ने कुरा चलेको छैनः प्रवक्ता खतिवडा

३१ साउन, काठमाडौं । नेकपा एकीकृत समाजवादीका प्रवक्ता जगननाथ खतिवडाले कुनै पनि पार्टीसँग एकीकरण गर्ने कुरा नचलेको बताएका छन् ।

तर कम्युनिष्ट पार्टीहरुको वीचमा समसायिक परिस्थितिबारे समीक्षा भइरहे पनि एकीकरणको कुरा नचलेको बताएका छन् ।

‘समाजवादी मोर्चाको गतिविधि बढाइ वामन्थीहरुको बीचमा न्यूनतम सहकार्य अगाडि बढाउन पहल गरिरहने हाम्रो नीति नै हो । त्योभन्दा बढी केही छैन’, प्रवक्ता खतिवडाले प्रेस नोटमा लेखेका छन् ।

उनले पार्टी एकताको प्रचारबाट नबहकिन आग्रह समेत गरेका छन् । ‘सबै राजनीतिक दलका आ-आफ्नो कार्यनीति हुन्छन्, त्यसमा हामी बहकिन हुँदैन’, उनले लेखेका छन्, ‘कलम चिह्न हाम्रो विशेष परिचय हो, यो परिचयलाई मेट्ने गरी पार्टीले कुनै काम गर्दैन ।’

– यस समाचारको श्रोत : Online Khabar हो ।