गोदावरी नगरपालिकाका बाढीपहिरो पीडितलाई एनसेल फाउन्डेसनको राहत सामग्री
काठमाडौं । एनसेल फाउन्डेसनले ललितपुर गोदावरी नगरपालिकाका बाढी–पहिरो पीडितलाई राहत प्याकेज वितरण गरेको छ ।
एनसेल फाउन्डेसनले गोदावरी नगरपालिकाका बाढीपहिरोले धेरै क्षति पुर्याएका वडा नम्बर ४, ७, ८, १० र १३ का करिब २ सय परिवारलाई २१ असोजमा राहत सामग्री वितरण गरेको हो ।
‘संकटको समयमा समुदायलाई साथ दिनु हाम्रो कर्तव्य हो । हामी सबै एक ठूलो परिवारका रूपमा कनेक्टेड छौं,’ एनसेलकी कर्पोरेट कम्युनिकेसन्स एन्ड सीएसआर हेड विशाखालक्ष्मी खड्काले भनिन् ।
गोदावरीका मेयर गजेन्द्र महर्जनले विपद्को कठिन घडीमा एनसेल फाउन्डेसनबाट विभिन्न वडाका पीडितलाई आएको राहत एकदमै ठूलो सहयोग भएको बताए ।
‘यसका लागि एनसेलप्रति हामी आभारी छौं । अब हामीले पुनस्र्थापनामा काम गर्नुपर्ने छ,’ उनले भने ।
राहत सामग्रीमा खाद्यान्न, भान्सामा प्रयोग हुने भाँडाकुँडा, हाइजिन किट, ब्ल्यांकेट र म्याट लगायत सामान छन् ।
गोदावरी नगरपालिका र कर्मयोग फाउन्डेसनसँगको सहकार्यमा एनसेलका कर्मचारीले प्रभावित वडा पुगेर पीडित परिवारका सदस्यलाई राहत सामग्री हस्तान्तरण गरेका थिए ।
एनसेल फाउन्डेसनले विभिन्न सामाजिक काम गर्दै तल्लो तहसम्म सहयोग पुर्याउँदै आएको र भविष्यमा पनि विपद्मा सहयोग पुर्याउन तत्पर रहेको जनाएको छ ।
सरकारका सम्बन्धित निकाय र साझेदारसँग सहकार्य गर्दै राहत वितरण साथै विपद् प्रतिकार्यमा गर्न सकिने अन्य काम पनि गरिरहेको फाउन्डेसनको भनाइ छ ।
– यस समाचारको श्रोत : Online Khabar हो ।