Main
ठगीको आरोपमा एक जना पक्राउ
४ चैत, काठमाडौं । विदेशबाट बहुमूल्य सामान ल्याइदिन्छु भन्दै ठगी गरेको आरोपमा एक जना पक्राउ परेका छन् ।
महोत्तरीको भंगाहा नगरपालिका–८ का ३४ वर्षीय एमडी सकिल अहमद मुस्ताफ भनिने महमद सकिल अहमल पक्राउ परेका हुन् ।
उपत्यका अपराध अनुसन्धान कार्यालयको टोलीले उनलाई पक्राउ गरी कारबाहीका लागि जिल्ला प्रहरी परिसर काठमाडौं पठाएको छ ।
उनले अनलाइन बिजनेस गर्छु भन्दै झुक्याएर ठगी गरेको अपराध अनुसन्धान कार्यालयका एसपी तथा प्रवक्ता रवीन्द्र रेग्मीले जानकारी दिए । अहमलले विदेशबाट ल्यापटप, मोबाइल, कम्प्युटर लगायतका सामान ट्रान्सपोर्ट गर्ने भन्दै अर्डरका लागि ११ लाख ३५ हजार रकम ठगी गरेको प्रहरीले जनाएको छ ।
– यस समाचारको श्रोत : Online Khabar हो ।