Main
दार्चुलामा भागेका थुनुवा पक्राउ गर्न जाँदा लडेर प्रहरी जवानको मृत्यु
२८ फागुन, धनगढी । दार्चुलामा फरार थुनुवा पक्राउ गर्न जाँदा भीरबाट लडेर एक प्रहरी जवानको मृत्यु भएको छ ।
जबर्जस्ती करणी मुद्दामा अनुसन्धानका लागि पक्राउ परेका उमेश सिंह कुँवर भागेपछि पक्राउ गर्न गएका प्रहरी जवान सोहन चौधरीको भीरबाट लडेर मृत्यु भएको सुदूरपश्चिम प्रदेश प्रहरी कार्यालयले जनाएको छ ।
कार्यालयका एसएसपी प्रज्वल महर्जनका अनुसार भीरबाट लडेर गम्भीर घाइते भएका चौधरीको जिल्ला अस्पतालमा उपचारका क्रममा मृत्यु भएको हो ।
थुनुवा उमेश सिंह कुँवर मुद्दा शाखामा सोधपुछका क्रममा हत्कडीसहित भागेका थिए । उनलाई पक्राउ गरेर ल्याइसकिएको एसएसपी महर्जनले जानकारी दिए ।
– यस समाचारको श्रोत : Online Khabar हो ।